Donostiatik dator maiatzaren 21ean, ostegunez, 19:00etan, Rosa Díez-Urrestarazu idazlea, xede izanik “Cuando brillan las manzanas” bere lehen eleberria aurkeztea.

Eleberri historikoa da, prosa limurtzailea duena, melodrama erromantikoa eta memoria deserosoa uztartzen dituena, ohoreari, klaseari eta indarkeriari buruzkoa, iragana beti itzultzen dela agertzeko.

Sinopsia

Alejandra emakume indartsua da, gaztea izan arren, eta errealitate ezezagun bati aurre egin behar dio. Ez da Bilbora itzuliko, handik ihes egin baitzuen haurdun zegoela, bere senargaiaren heriotza bortitzaren ondoren. Biarritz izango du babesleku, eta han jakingo du zein sekretu gordetzen dituen bere sustraien artean etxeko lorategiko buru den sagarrondoak.

Hipokrisia eta moral bikoitza eguneroko bizitzako protagonista diren ingurune batean, ezer ez da kanpotik dirudiena. Alejandrak bere bizitza berregiten du beti presente dagoen iraganaren mamuarekin, seme harekin, Fraisororen sorterrian jaioa eta harlauza iraunkor bihurtua, harlauza bat zeinarekin erabateko isiltasunean bizitzen ikasi beharko duen.

Egileari buruz

Rosa Díez Urrestarazu Informazio Zientzietan lizentziaduna da Euskal Herriko Unibertsitatean, eta Ikasketa Aurreratuetan diplomaduna Deustuko Unibertsitatean, Ezagutzaren Gizarteko Giza Zientzietan.

Telebista Akademiako Zuzendaritza Batzordeko kidea izan da, baita Euskadi Irratiko eta ETB1eko edukien zuzendaria ere. Gaur egun Euskal Telebistako albistegietan lan egiten du.