Actividade para escolares

El Corte Inglés, con motivo da celebración do Día das Letras Galegas 2026, dedicado a Begoña Caamaño, organiza en Ámbito Cultural unha actividade dirixida ao público escolar centrada na figura e a obra da autora homenaxeada.

O encontro terá lugar o martes, 5 de maio de 2026, ao 10.30 h, en Ámbito Cultural del Corte Inglés de Santiago de Compostela, e contará coa participación de alumnado de Bacharelato do IES de Pontepedriña (Santiago de Compostela).

A actividade estará a cargo do escritor Ramón Nicolás, autor do libro A nena que perdeu un zapato na lama. Begoña Caamaño no Calvario vigués (1964–1976), con ilustracións de Carlos Gallego. A partir da infancia de Begoña Caamaño no barrio vigués do Calvario, o autor ofrecerá unha charla na que achegará ao público a súa traxectoria vital e literaria.

Trátase dunha obra singular que combina memoria, biografía, historia e ficción, construída a través da voz de Morgana, e que permite reconstruír e reivindicar os primeiros anos da autora. Un relato que conecta infancia, territorio e formación privado, e que axuda a comprender algunhas das claves da escritora protagonista das Letras Galegas 2026.

Ramón Nicolás (Vigo, 1966) é profesor, crítico literario e escritor, colaborador habitual en distintos medios de comunicación e autor de novelas e ensaios de referencia no ámbito da literatura galega.

As ilustracións do libro corren a cargo de Carlos Gallego (Santiago de Compostela, 1994), ilustrador especializado no ámbito infantil e xuvenil, cunha salientable traxectoria en publicacións literarias e divulgativas.

Unha proposta cultural e educativa impulsada por El Corte Inglés en colaboración con Galaxia, para fomentar a lectura en lingua galega e achegar ás novas xeracións a figura de Begoña Caamaño.

Ler en galego é celebrar Galicia.