No marco da celebración internacional do teatro, conmemorando o Día Mundial das Artes Escénicas para a Infancia e a Mocidade (20 de marzo) e o Día Mundial do Teatro (27 de marzo), Ámbito Cultural de Santiago organiza unha actividade especial destinada a achegar o teatro aos máis novos.

• Mércores 25 de marzo · 11:30 h
• Sala Ámbito Cultural · Planta baixa

O encontro estará dirixido por Carlos Labraña, un dos dramaturgos galegos máis destacados no ámbito do teatro infantil e xuvenil. Con máis de cincuenta libros publicados e unha extensa traxectoria recoñecida con premios como Folla Novas, Manuel María, Barriga Verde, Facho, Xeración Nós, Estornela ou SGAE, Labraña compartirá cos participantes a súa experiencia e a súa maneira de entender a creación dramática.

O obxectivo é achegar o teatro aos escolares mediante unha sesión lúdica, participativa e formativa que permita ao alumnado descubrir a literatura dramática desde dentro: escoitándoa, interpretándoa e gozándoa.

A esta sesión asistirán alumnos do Colexio Alca, convidados especialmente para participar nesta actividade vivencial. O pano ábrese… e o mundo cambia un instante.

O pano ábrese… e o mundo cambia un instante.