O sábado 2 de maio a escritora galega Amara Castro Cid asinará exemplares da súa última novela, Hasta siempre, Malena Giestal, en El Corte Inglés de Santiago de Compostela, nunha cita moi especial que coincide co primeiro día da Feira do Libro da cidade.

A sinatura terá lugar na libraría da planta baixa, en horario de 12:00 a 14:00 horas e de 17:00 a 21:00 horas, ofrecendo ás lectoras, lectores e visitantes unha oportunidade única para comezar a Feira do Libro cun encontro literario destacado.

Unha novela doblemente premiada

Hasta siempre, Malena Giestal foi recoñecida co Premio Letrame á Mellor Novela Romántica 2026 e co Premio Talento Letrame 2026. Nesta obra, Amara Castro Cid lévanos ao seu Vigo natal para explorar temas como a identidade, a reconstrución persoal, a perda e o loito, as relacións familiares, o amor e o desamor, o emprendemento e a superación persoal.

A protagonista, Malena Giestal, decide romper coas expectativas familiares e abandonar as oposicións para emprender un negocio de confección de bolsos. No proceso, descubrirá que mesmo nos momentos máis difíciles pode xurdir unha oportunidade para volver empezar.

Cunha prosa áxil, intimista e envolvente, a autora constrúe unha historia tan inquietante como esperanzadora, ambientada no Vigo contemporáneo.

Sobre a autora

Amara Castro Cid (Vigo, 1975) é licenciada en Xornalismo pola Universidade Pontificia de Salamanca e máster en Linguas Aplicadas pola Universidade de Évora. A súa traxectoria profesional combina a docencia, a tradución e o xornalismo.

No ámbito literario formouse en Fuentetaja e na Escola de Escritores, e foi alumna do obradoiro de narrativa de Carlos Segovia. É autora das novelas Con esto y un bizcocho (Premio Círculo Rojo 2018), El tiempo suficiente (Ediciones Maeva, 2020) e Aquello que guardamos (Premio Letrame 2024). Hasta siempre, Malena Giestal é a súa cuarta novela.

Unha cita imprescindible para as amantes e os amantes da literatura no arranque da Feira do Libro de Santiago de Compostela. Achégate e leva o teu exemplar asinado.