A doutora Carmen D. Grandal impartirá a charla: "A nutrición: claves para a correcta elección dos alimentos", o mércores 8 de maio ás 19:30 horas no restaurante (7o andar) de El Corte Inglés de Vigo.

Recoñecemento de etiquetas e o seu significado; como ler correctamente os ingredientes; diferenzas entre a agricultura convencional e a ecolóxica son algúns dos temas que tratará a doutora Grandal nesta charla, na que achegará os datos necesarios para que o consumidor dispoña das ferramentas axeitadas á hora de escoller os alimentos máis saudables.

A doutora Carmen D. Grandal é Analista Clínica Farmacéutica de profesión, con máster en nutrición e dietética, docente colaboradora da Universidade de Vigo, docente en varios ciclos de formación continua e ACIS, ademais de científica colaboradora na Universidade de Vigo. Instituto de Investigación Sanitaria de Galicia Sur (IISGS).