O sábado 3 de maio, o escritor José Costa estará asinando exemplares do seu libro "La mala conciencia" na libraría El Corte Inglés de Vigo (situada no 5º andar).

Sobre la obra

Co seu aire de picardía formal, os vinte e seis relatos que conforman "La mala conciencia" son unha incitación a cruzar a dubidosa liña que separa o ben do mal. Ao outro lado desa liña, na zona oculta á vista do público onde o sentido moral pende dun fío, atopamos seres que actúan movidos pola paixón, a ambigüidade ou o instinto de supervivencia: un lanzador de martelos, un grupo de científicos erráticos, un funcionario torpe, un viaxeiro tímido... Seres comúns que, desenvolvéndose na atmosfera de aparente normalidade na que se tecen as relacións persoais e sociais, acaban por destapar o que está oculto e desatar a sorpresa, o inesperado, o inquietante. É alí onde o poder revelador dos detalles e a capacidade de suxestión constrúen mundos á vez inquietantes e profundos, entretidos e poéticos, demostrando unha vez máis que non hai labirinto máis fascinante e intrincado que a mente humana.

Sobre o autor

Xosé Costa (Valencia 1967).Profesor de Artes Visuais e Audiovisuais, fotógrafo, deseñador gráfico e escritor; viaxeiro independente por máis de sesenta países dos cinco continentes. Realizou exposicións da súa obra fotográfica, polas que recibiu numerosos premios e recoñecementos. Colaborou en diversas notas de prensa. É autor dos relatos La mala conciencia (2012) e Física para homicidas (2022), e das novelas Cuadernos del otro lado (2015), Misfits (2018) —novela que foi finalista dos Premios Letrame 2022 na categoría de «Ficción moderna»— e El mecanismo Ripperton (2021), entre outras.