O martes, 13 de maio, ás 19.00 horas, no marco da conmemoración do Día das Letras Galegas, Anxo Angueira, presidente da Fundación Rosalía de Castro, impartirá a conferencia “A music, Rosalía e o seu traballo”.

A súa tese versará sobre a formación musical de Rosalía de Castro, que tocou varios instrumentos, o que influíu na súa obra e, á súa vez, a converteu na autora máis musicada de Galicia.
 

Anxo Angueira Viturro (Manselle, 1961) é presidente da Fundación Rosalía de Castro dende 2012, académico da RAG, catedrático da Universidade de Vigo, escritor e un dos principais especialistas da obra de Rosalía.

No eido da creación literaria publicou unha extensa obra poética e narrativa: Val de Ramirás (1989), O valo de Manselle (Xerais, 1996), Bágoas de facer illas (Xerais, 1997), Libro  da Vertixe (1997), Pensa nao (Premio Xerais de Novela 1999), Terra de Iria. Viaxe ó país de Rosalía de Castro (2002), A morte de A. (Xerais, 2003), Fóra do sagrado (Xerais, 2007), Iria (2012) e Palmeiras, piueiros (2022).

Como ensaísta, ademais dos seus estudos sobre Méndez Ferrín(A espiral no espello. Bretaña, Esmeraldina e o sistema literario galego), centrou as súas investigacións na época do Rexurdimento: Das copras de Sarmiento aos cantares de Rosalía de Castro. Cara a unha nova periodización do Rexurdimento (2013) o Rexurdimento: a palabra e a idea (2019).

Sobre Rosalía, ademais de diferentes artigos e antoloxías, publicou edicións críticas de Cantares gallegos (2013), Follas novas (2016), En las orillas de Sar (2019) e La flor, A mi madre, poesía dispersa e traduccións (2023).

Entrada libre ata completar aforo.