Participa na votación do XIX Premio Novela Europea Casino de Santiago e forma parte do xurado que decidirá a novela gañadora dun dos premios literarios europeos máis participativos.

Este galardón, que promove a lectura, o espírito europeísta e a participación cidadá, invita ás lectoras e lectores a votar entre as cinco novelas finalistas seleccionadas por unha comisión de persoas expertas entre autoras e autores de países da Unión Europea.

As novelas finalistas do XIX Premio Novela Europea Casino de Santiago son:

• A noite das cebolas, de Rosa Aneiros (Xerais).
• Una familia moderna, de Helga Flatland (Nórdica Libros).
• Desertar, de Mathias Énard (Random House).
• La península de las casas vacías, de David Uclés (Siruela).
• El cantar del profeta, de Paul Lynch (Alfaguara).

Durante os meses previos, a Sala de Ámbito Cultural de El Corte Inglés de Santiago de Compostela acolleu os debates literarios das obras finalistas. Agora, na fase final, a decisión repártese entre un xurado profesional e a votación popular, que representa o 50% do resultado final.

A cidadanía poderá votar en diferentes cidades de Galicia, Asturias, León e noutros puntos nacionais e internacionais, a través de bibliotecas públicas, centros socioculturais e nas librarías de El Corte Inglés dos centros de León, Oviedo, Xixón, Avilés, A Coruña, Vigo e Santiago de Compostela.

🗓 Período de votación aberta ao público: do 22 de maio ao 4 de xuño de 2026.

Achégate á nosa libraría e vota pola túa novela favorita do XIX Premio Novela Europea Casino de Santiago.