A 46º edición do Día do Traxe Galego celebrarase o domingo 20 de xullo, dentro da programación das festas do Apóstolo 2025.

Durante toda a xornada o traxe tomará as rúas de Compostela, con desfiles polas rúas do centro histórico e desfile final na Praza da Quintana.

Esta actividade está organizada pola Asociación do Traxe Galego, o Concello de Santiago e conta co patrocinio do Corte Inglés.

XLVI Concurso do Traxe Galego

Establécense tres categorías principais: traxe de home, trouxen de muller e grupos de dez ou máis persoas.

Dentro de cada unha delas poderase participar nunha única das dúas subcategorías: traxe antigo (completo ou pezas) ou traxe moderno (de gala ou de diario).

As persoas interesadas poderán inscribirse no concurso ata o 17 de xullo.

Consulta as bases do concurso e as normas de participación.

• Ás 16:30 h., dará comezo o XLVI Concurso do Traxe Tradicional Galego, no ‘Salón Peregrinos’ da Hospedería de San Martín Pinario, onde os participantes nas diferentes categorías serán avaliados polo xurado, e participarán na posterior sesión fotográfica.
• Ás 19:00 h, desde praza da Inmaculada sairá o desfile coas persoas participantes no certame e todas as persoas que desexen participar nel, ataviadas cos traxes tradicionais e acompañadas polo grupo de gaiteiros.
• Ás 20 h., unha vez que os participantes cheguen a Praza da Quintana, terá lugar o desfile público dos traxes participantes no concurso e a entrega de premios.