O xoves 1 de outubro ás 18:30 horas, a escritora María Oruña estará a asinar exemplares do seu libro “La Cámara de las Maravillas” na libraría de El Corte Inglés Vigo (5ª planta).

Sobre “La Cámara de las Maravillas”

No maxestoso Palacio Dorado, situado no centro de Madrid, o máis selecto do mundo da arte reúnese para a inauguración de Pentimento, un museo que exhibe reproducións de obras icónicas no contexto no que foron mostradas por primeira vez. Amanda Mendoza, a anfitrioa, observa con desconfianza a un dos convidados: o enigmático Dimas Chevalier, o ladrón de guante branco máis famoso de Europa, que —despois de varios anos na cárcere— asegura estar completamente reformado.

Mentres tanto, unha figura escura móvese con axilidade polo tellado do palacio e entra na Cámara de las Maravillas, un espazo onde a familia Mendoza garda os seus tesouros máis fascinantes. Pero, cando o intruso tenta fuxir co botín, cae fulminado sen motivo aparente. Dimas, acusado de maneira indirecta do roubo, verase obrigado a colaborar con Amanda para limpar o seu nome e descubrir quen profanou a Cámara de las Maravillas.

Sobre María Oruña (Vigo, 1976)

María Oruña exerceu durante dez anos como avogada e na actualidade dedícase exclusivamente á literatura. Os seus libros foron traducidos a unha decena de idiomas e superaron o millón de lectores.

As súas novelas combinan historia, misterio e ciencia, e nela desenvolve de maneira deliberada distintos estilos literarios que teñen fascinado a milleiros de lectores. En 2015 publicou o primeiro libro da que se convertería na coñecida saga Puerto Escondido, composta hoxe por seis títulos, cada un cun misterio independente resolto polo mesmo equipo investigador. A serie está ambientada en Cantabria e foi publicada integramente por Destino (Planeta), acadando un extraordinario éxito de vendas e o recoñecemento da crítica pola súa calidade narrativa: Puerto escondido (2015), Un lugar a donde ir (2017), Donde fuimos invencibles (2018), Lo que la marea esconde (2021), El camino del fuego (2022) e Los inocentes (2023).

En 2020 publicou a novela histórica de misterio independente El bosque de los cuatro vientos (Ediciones Destino, Planeta), ambientada nos bosques de Ourense, na súa Galicia natal.

En marzo de 2025, da man de Plaza & Janés (Penguin Random House), publicou «El Albatros Negro», unha novela histórica de misterio cunha sinopse sorprendente e que rende homenaxe ás novelas de aventuras de Stevenson, Doyle e Jules Verne. O libro recibiu unha reacción inmediata e moi positiva de lectores, libreiros e crítica.

En xuño de 2026, Plaza & Janés publicou a súa nova novela, La Cámara de las Maravillas.