Con motivo da campaña de Vuelta al Cole, a Sala Ámbito Cultural de El Corte Inglés Santiago de Compostela acolle unha charla informativa sobre a enfermidade celíaca en centros escolares. Organizada en colaboración coa Asociación de Celíacos de Galicia (ACEGA), esta charla é unha oportunidade para coñecer mellor a enfermidade celíaca e aprender como contribuír a que os centros educativos sexan espazos máis seguros para os nenos e nenas que a padecen.

Durante a sesión explicarase que é a enfermidade celíaca e por que a dieta sen glute é, na actualidade, o seu único tratamento. Tamén se ofrecerán pautas prácticas para previr o contacto cruzado en aulas, comedores e actividades escolares, así como recomendacións sobre materiais e hábitos que axudan a minimizar riscos no entorno educativo.

Dirixida a familias, docentes, persoal educativo e a todas as persoas interesadas nesta realidade, a charla abordará cuestións clave para favorecer unha convivencia escolar segura e promover unha maior concienciación sobre as necesidades do alumnado celíaco.

Imparte Nuria Colmenero, responsable do Departamento de Restauración e Seguridade Alimentaria da Asociación de Celíacos de Galicia (ACEGA).

Convidámoste a participar nesta sesión práctica e divulgativa para aprender como construír contornos escolares máis seguros para os nenos e nenas con enfermidade celíaca. Reserva a túa praza en eventossantiagodecompostela@elcorteingles.es.

Este curso, aprendamos xuntos a convivir coa celiaquía.