O Club de Lectura de Ámbito Cultural de El Corte Inglés Santiago de Compostela regresa en outubro cunha proposta tan conmovedora como necesaria. Coordinado por Miguel García-Fernández (@lectureo), esta nova sesión estará dedicada a “As tolas que non o eran”, a obra de Carmen V. Valiña, quen participará no encontro para conversar coas persoas asistentes sobre o seu libro.

“As tolas que non o eran” é un libro sobre aquelas mulleres ás que a historia apenas prestou atención. Internas no manicomio de Conxo entre 1885 e 1936, foron mulleres pobres, rurais, analfabetas ou simplemente rebeldes que quedaron relegadas ás marxes do seu tempo. A través das súas historias xorden voces que reclaman ser escoitadas e que nos convidan a reflexionar sobre a memoria, a exclusión e a dignidade humana.

Cunha coidada combinación de rigor histórico e sensibilidade literaria, a autora rescata vidas atravesadas pola inxustiza, pero tamén pola resistencia, a valentía e a capacidade de desafiar os relatos oficiais. Un exercicio de recuperación da memoria das vencidas que devolve protagonismo a quen durante demasiado tempo permaneceu ocultas.

Doutora en Historia Contemporánea, profesora universitaria e creadora e directora de PeriFéricas, Escola de Feminismos Alternativos, Carmen V. Valiña compaxina a investigación sobre a memoria das mulleres anónimas dos séculos XIX e XX cunha destacada traxectoria literaria. Desde 2021, as internas do manicomio de Conxo ocupan un lugar central no seu traballo de investigación e divulgación.

Unha oportunidade para conversar coa autora sobre as vidas das mulleres que protagonizan “As tolas que non o eran”, un relato que recupera do esquecemento experiencias humanas que durante demasiado tempo permaneceron ocultas.

• - Xoves 15 de outubro ás 19:00 horas.
• - Sala de Ámbito Cultural de El Corte Inglés de Santiago de Compostela.  

Reserva de praza en ambitoculturalsantiago@elcorteingles.es. Actividade gratuíta. Prazas limitadas. Agardámoste!